Toyota

لە مانگی ئازاری 2016 تۆیۆتا عێراق لە ڕێگەی هاوبەشی نێوان سومیتۆمۆ و بازرگان و خاوەنی گروپی سەردار بەڕێز سەردار ئەلبیبانی دامەزرا. لێکتێگەیشتن و ئامانجی هاوبەش بنەمای سەرەکی کۆمپانیاکە بوون، بۆ ئەوەی ببێتە کۆمپانیایەکی پێشەنگ لە بواری بارزگانى ئۆتۆمبێل لە عێراقدا و لە هەمان کاتدا کۆمەڵگا بەرەو قۆناغێکی باشتر ببات. تۆیۆتا عێراق تاکە دابەشکەری فەرمی تۆیۆتا لگزس و هیۆنیە لە عێراقدا. لە ئێستادا لە سێ ئۆفیس کە دەکەونە بەغدا و هەولێر و بەسڕە کار دەکەین.

کۆمپانیای سومیتۆمۆ یەکێکە لە گەورەترین کۆمپانیاکانی بازرگانی و وەبەرهێنان لە ژاپۆن. لە ساڵی 1919 دامەزراوە. لە ئێستادا زیاتر لە 72,823 کارمەندی هەیە لە سەرانسەری جیهاندا. مێژووەکەی دەگەڕێتەوە بۆ سەدەی حەفتەم کاتێک ماساتۆمۆ سومیتۆمۆ دووکانێکی کتێب و دەرمانخانەی لە کیۆتۆ کردەوە. ماساتۆمۆ لە نووسراوێكدا بە ناوی "مونجوین شیگاکی"، واتا بنەما دامەزرێنەرەکان، ڕوونی دەکاتەوە کە چۆن بازرگانان و فرۆشیاران دەبێ کارەکانیان بەڕێوەببەن. ئەمەش بوو بە بنەمای فەلسەفەی کارکردنی سومیتۆمۆ لە هەوڵدان بۆ ڕاستگۆیی و بەڕێوەبردنێکی دروست جیا لە بەدەستهێنانی ئاسان و نایاسایی. لە گروپی سومیتۆمۆ ئەم فەلسەفەی کارکردنە 400 ساڵە و تاوەکو ئێستاش جێبەجێ دەکرێت.

مێژووی سەردار گروپ دەگەڕێتەوە بۆ سەرەتای ساڵانی شەستەکان لە شاری کەرکوک، کاتێک حاجی حسێن ئەلبیبانی، دامەزرێنەری کارەکە، تێروانینێکی جیاوازتری هەبوو بەروارد بە سەردەمەکەی و بە بازرگانیکرنێکی سادەی ئۆتۆمبێل دەستی پێکرد. لە ساڵانی هەشتاکاندا، گەشەی سەند بۆ بازرگانی ئۆتۆمبێل. لە ساڵانی نەوەدەکاندا ناونیشانی کۆمپانیاکە گوازرایەوە بۆ بەغداد و سەردار کارس بووە بەناوبانگترین ناو لە هەموو عێراقدا. بە یارمەتی ئەزموونی زیاتر لە 30 ساڵ، گروپی سەردار بوو بە گروپێکی پێشڕەو لە بواری ئۆتۆمبێل لە تەواوی عێراقدا. زانیاری پوخت سەبارەت بە بازاڕی عێراق یارمەتیدەر بوو لە هەناردەکردن و هەڵگرتن و فرۆشتنی براندی دروست و زنجیرە و مۆدێلی شیاو. بەدەستهێنانی ناوبانگی و بەدواداچوونێکی نایاب و بەدەستهێنانی متمانەی کڕیاران دوو هێندە یارمەتیدەر بوون لە گەشەپێدانی کارەکە لە ساڵی 2003دا.