لە مەراسیمێکی تایبەتتدا لە ئۆفیسی تۆیۆتا عێراق لە هەولێر، UN-Habitat Iraq و تۆیۆتا عێراق هاوبەشییەکی نوێیان واژۆ کرد. ئەم دەستپێشخەرییە نوێیە ئامانجی باشترکردنی ژێرخانی و بارودۆخی ژیانە بۆ نزیکەی 9,000 دانیشتووی گوندی ژاپۆن و گەڕەکەکانی دەوروبەری لە شاری موسڵ. پڕۆژەکە بریتییە لە دانانی چرای خۆر، دروستکردنی یاریگایەکی وەرزشی، و دابینکردنی چارەسەری ئاسایش و ژینگەدۆستی بۆ کۆمەڵگا.
کۆمپانیای تۆیۆتا عێراق بەڵێنی جێبەجێکردنی چەندین بەشی پرۆژەکە دا، لەوانە دانانی 32 چرای خۆر بەدرێژایی شەقامە سەرەکییەکانی گوندەکە و دروستکردنی یاریگای وەرزشی بۆ چالاکییە کۆمەڵایەتییەکان.
بەڕێز تانیمۆتۆ تاداشی، بەڕێوەبەری جێبەجێکاری کۆمپانیای تۆیۆتا عێراق وتی: "تۆیۆتا عێراق شانازی دەکات کە بەشداری لەم دەستپێشخەرییە گەورەیەدا دەکات. دانانی چرای خۆر شێوازێکی ژینگەدۆستە بۆ دابینکردنی سەلامەتی بۆ دانیشتووان، بەتایبەتی بۆ ژنان و منداڵان، لەکاتێکدا یاریگای وەرزشی شوێنێکی نایابە بۆ ئەنجامدانی چالاکی تەندروستی بۆ کۆمەڵگا. بیرۆکەکە ئەوەیە کە خەڵک دڵخۆش بکەین و وا بکەین هەست بە سەلامەتی بکەن".
پڕۆژەی گوندی ژاپۆن لەلایەن حکومەتی ژاپۆنەوە پارەی بۆ دابین دەکرێت، و پشتگیری لە پلانی موسڵ دەکات بۆ پەرەپێدانی ئەو ناوچە ستراتیژییە بۆ پەنابەرانی گەڕاوە. نەک تەنها دابینی خانوو دەکات بەڵکو ڕاهێنانی شوێنی کاریش دابین دەکات و ئەوەش لە ڕێگەی پراکتیکەکانی بیناسازی بەردەوام و ستراتیژی دۆستی کەشوهەوا، کە لە ئەنجامدا پەرەپێدانی ئەو چارەسەرانەیە کە درێژخایەن بن.
لەگەڵ تەواوبوونی، بەڕێوەبردنی یاریگاکە و پاراستنی چرای خۆرەکان ڕادەستی دەسەڵاتی ناوخۆیی دەکرێت. نوێنەری پارێزگاری نەینەوا، بەڕێز ئەحمەد یونس، یاریدەدەری پارێزگاری پلاندانان، باسی لە بەشدارییە گرنگەکەی تۆیۆتا عێراق کرد لە پڕۆژەکەدا و وتی: "پارێزگاری نەینەوا وەبەرهێنانی تۆیۆتا لە باشترکردنی ژیانی خەڵکی موسڵ بەرز دەنرخێنێت. ئەمە نموونەیەکی بەهێزە بۆ پشتگیریکردنی کەرتی تایبەت لە دەستپێشخەرییەکانی گەشەپێدان وەک پڕۆژەی گوندی ژاپۆن. ئێمە پابەندین بە جێبەجێکردنی ئەم دەستپێشخەرییە و ڕێگایەک دەدۆزینەوە بۆ دانانی چرای خۆر و دامەزراوە وەرزشییەکان لە ناوچەکانی دیکەی پارێزگاکەدا".
ئەو چارەسەرانەی کە لەلایەن تۆیۆتا عێراقەوە پارەیان بۆ دابینکراوە لەگەڵ بنەماکانی کارنامەی نوێی شارەکانی UN-Habitat دەگونجێت بۆ درووستکردنی شوێنی سەلامەت و گشتگیر کە بە ئاسانی بۆ دانیشتووان بەردەستن. ئەم شوێنانە هانی چالاکی کۆمەڵایەتی و ئابووری و کولتوورییەکان دەدەن و لە هەمان کاتدا گەشەپێدانی بەردەوامی شارەکان لە موسڵ و نەینەوا بەرەوپێش دەبەن.
لەم دەرفەتەدا، بەڕێز موسلیم قازمی، بەرپرسی بەرنامەی UN-Habitat Iraq، وتی: UN-Habitat Iraq بەشدارییەکانی تۆیۆتا عێراق بەرز دەنرخێنێت و ئەم بەشدارییەی کەرتی تایبەتی ژاپۆن هاوکاری هەوڵەکانمان دەدات بۆ بنیاتنانی شاری گشتگیر و سەلامەت و خۆڕاگر، بە تایبەتی بۆ ژنان و منداڵان و خاوەن پێداویستییە تایبەتەکان. ئەم هاوکارییە نموونەیەکە بۆ هاوبەشییەکانی داهاتوو، بۆ ئەوەی کەرتی تایبەت بەشداری بکات لە ئاوەدانکردنەوە شارەکان و دەستپێشخەرییەکانی گەشەپێدان لە عێراقدا".
هاوکاری نێوان تۆیۆتا عێراق و UN-Habitat Iraq لە ژێر پڕۆژەی "باشترکردنەوەی گەشەسەندنی بەردەوام و خۆڕاگری کۆمەڵگا لە ناوچەکانی دوای ململانێ - پێکهاتە تەواوکەرەکان بۆ پڕۆژەی گوندی ژاپۆن" یەکێکە لە هەنگاوە یەکەمەکانی کەرتی تایبەتی ژاپۆن لە بەشداریکردن لە هەوڵەکانی UN-Habitat بۆ بوژانەوەی شارەکان لە عێراق.
_124243.png?w=360&h=200&mode=crop&scale=both)
_130003.png?w=360&h=200&mode=crop&scale=both)
