Toyota

لە تۆیۆتا عێراق پابەندین بە دەوڵەمەندکردنی ئەزموونی کڕیارەکانمان، ئەمەش بۆ دابینکردنی داهاتوویەکی گەشاوەترە بۆ کۆمەڵگاکەمان. سەرکەوتنی ڕاستەقینەمان لە دڵخۆشی کڕیارەکانمانەوە دێت، لە ڕێگەی دەستپێشخەرییە کۆمپانیا جیاوازەکانمانەوە و خولیای کارمەندەکانمان بۆ کارەکانمان و گەشەی تۆڕەکەمان لەم وڵاتە جوانەدا. 

 لە تۆیۆتا عێراق، ئێمە پابەندین بە پاراستنی ژینگەکەمان، جا لە ڕێگەی کارو چالاکییە جۆراوجۆرەکانمانەوە بێت یان لە ڕێگەی پاڵپشتی بەردەواممان بۆ ئامانجەکانی گەشەپێدانی بەردەوامی نەتەوە یەکگرتووەکان. بۆیە ئێمە چەندین پڕۆژەمان جێبەجێ کردووە بۆ هۆشیارکردنی کۆمەڵگاکەمان سەبارەت بەم ئامانجانە، ئەمەش بە هاوکاری هاوبەشەکانمان. هەروەها دەرفەتێکمان بۆ منداڵانی عێراقی دابین کرد بۆ بەشداریکردن لە پێشبڕکێی جیهانی هونەری "ئۆتۆمبێلی خەون"ی تۆیۆتا. لە هەمان کاتدا تیمەکەمان بەردەوام کار لەسەر دەستپێشخەری جۆراوجۆری ژینگەیی دەکات، وەک چاندنی هەزاران نەمام، پرۆژەی ڕیسایکلکردن، و پشتگیریکردنی پەروەردە لە هەموو چین و توێژەکانی کۆمەڵگادا. 

زۆر گرنگە لە تۆیۆتا عێراق بەردەوام پەرەپێدانی کارمەندەکانمان بکەین و باشترین ژینگەی کارکردنیان بۆ دابین بکەین، بەو پێیەی گرنگییەکی زۆر دەدەین بە پەرەپێدانی تواناکانیان لە ڕێگەی خولی ڕاهێنان و چالاکی جیاوازدا، وەک پێشبڕکێی بریکاری نیشتمانی، ماراسۆنی کایزن، کۆنفرانسی ساڵانەی بریکارەکان، و چەندین چالاکی تر کە ئەزموونیان زیاتر دەکات. پاداشتکردنی کاری نایاب یەکێکە لە بناغەکانی ئامانجی تۆیۆتا بۆ بەدەستهێنانی "بەختەوەری بۆ هەمووان". 

لە تۆیۆتا عێراق پابەندبوون یەکێکە لە تایبەتمەندییە گرنگەکانی کارەکەمان و هەموو لایەنەکانی ڕێکخراوەکەمان دەگرێتەوە. پاراستنی مافەکانی مرۆڤ و تەندروستی و سەلامەتی کارمەندانمان لە پێشینەی کارە، و پابەندین بە دەستپاکی لە پراکتیزە داراییەکانماندا، و هەموو یاسا و پەیماننامە نێودەوڵەتییەکان جێبەجێ دەکەین. هەروەها پابەندین بە پاراستنی ژینگە لە هەموو قۆناغەکانی بەرهەمهێنان و فرۆشتن و گواستنەوە و بەکارهێنانی بەرهەمەکان. 

"رێگای تۆیۆتا" کۆمەڵێک بنەمایە بۆ شێوازی کارکردن و ڕەفتارەکانمان وەک ڕێکخراوێک، ئەمەش بە مەبەستی دابینکردنی بەرزترین بەها بۆ کڕیاران و هاوبەشەکانمان. 

ئەم بنەمایانە هەموو لایەنەکانی کارەکانمان دەگرێتەوە، و بەردەوام هانمان دەدەن بۆ ئەوەی: کار بۆ ئەوانی تر بکەین، بە دەستپاکەوە کار بکەین، ئارەزووی شارەزابوون پاڵنەرمان بێت، بە وردی سەرنج بدەین، ڕێز لە کەسانی تر بگرین، سوپاسی کەسانی تر بکەین، بەردەوام بین لە گەڕان بەدوای باشترکردن، هەلی گەشەکردن درووست بکەین، پێشوازی لە کێبڕکێ بکەین، و باشتر و باشتر بین.